Нәрсә соң ул спорт? Минем өчен спорт ул - яшәү рәвеше. Һәрбер кеше сау-сәламәт һәм нык булу өчен спорт белән дус булырга, шөгыльләнергә тиеш, дип уйлыйм. Кечкенәдән үк спорт белән дус булган кеше көчле, җитез һәм тәвәккәл була. Шуңа да мин спортны яратам, аның төрле төрләре белән кызыксынам.
Дәресләрдән соң баскетбол, чаңгы, җиңел атлетика түгәрәкләренә йөрим. Буш вакытымда теннис, волейбол, бадминтон һәм футбол уйнарга яратам. Бу спорт төрләре буенча ярышларга да йөрим, аларда катнашу һәм призлы урыннар алу - үзе бер бәхет.
Спорт минем тормышымда бик мөһим урынны алып тора. Ул - минем якын дустым. Бу дустымнан бер дә аерыласым килми, чөнки ул миңа көч һәм куәт бирә.
