МОНЫ БЕЛҮ КИРӘК!
Б Е Л Е М Т У Р Ы Н Д А
татар халык мәкальләре
* Ата белеге белән адәм булмас, әгәр үзе белмәсә.
* Белем белен ашата.
* Белемдә көч.
* Белем - йөрәккә куәт.
* Белем - нур, белмәү - хур.
* Дөньяны яуларга омтылма, аның гыйлемен яуларга омтыл.
* Дөнья тулы гыйлем,
Башыңда калганы - белем.
* Ачыйк күзебезне, хур итмәсеннәр үзебезне.
* Гыйлем - акылның яртысы.
* Икми иген шытмас,
Өйрәнми белем йокмас.
* Җиде йортның телен бел,
Җиде төрле белем ал.
* Дөнья яктыра көн белән,
Адәм яктыра белем белән.
* Акыл - тузмас кием,
Гыйлем - корымас кое.
ЯХ Ш Ы Л Ы К Т У Р Ы Н Д А
* Әгәр кешеләр бер-берсенә ярдәм итәргә өйрәнмәсәләр, җир
йөзендә кешелек юкка чыгар. /Вальтер Скотт/
* Изгелек - саңгырау ишетә, сукыр күрә торган нәрсә ул. /Марк Твен/
* Кара эзләп, табарсың син җиһаннан,
Бөтенләй китмәгән изгелек аннан. /Габдулла Тукай/
* Яхшы кеше башкаларга күрсәткән ярдәме белән мактанмас,
яхшылыкларын халыкка белдереп шөһрәт казанырга тырышмас.
/Госман хәзрәт Исхакый/
* Яхшылыкка ышану өчен аны эшли башларга кирәк. /Лев Толстой/
* Яхшы эшләр эшләү өчен коры җирдә һәм диңгездә патшалык
итү кирәкми. /Аристотель/
* "...уңышка ирешү өчен яхшылык кылыгыз"
/Коръән, "Хаҗ" сүрәсе, 77 нче аять/
* Сезнең берегез дә үзенә теләгәнне кардәшенә дә теләмичә торып,
чын иманлы булмас. /Хәдис/
* Бер кешедән сораганчы, ун кешегә үзең бир. /Татар халык мәкале/
* Алтын җирдә ятмас, яхшылык юлда ятмас. /Татар халык мәкале/
* Башкаларга изгелек кылырга кулыңнан килмәсә дә, усаллык
кылма. /Татар халык мәкале/
Г А И Л Ә Т У Р Ы Н Д А
* Бер генә ата да баласына яхшы тәрбиядән кыйммәтлерәк
бүләк бирә алмый. /Мөхәммәт пәйгамбәр/
* Иң мөһиме - яхшы кеше булып үсү һәм кешеләрне
ярату. /Минтимер Шәймиев/
* Кеше - җимеш, әти белән әни шул җимешнең агачлары.
/Унсур әл- маали/
* Алма агачыннан ерак төшми. /Халык әйтеме/
* Гаилә һәрвакыт җәмгыятьнең нигезе булып калыр.
/Оноре де Бальзак/
Мәкаль һәм әйтемнәр
* Таба белсәң, бага бел.
* Оясында ни күрсә, очканында шул булыр.
* Алтын-көмешнең искесе булмас, ата-ананың
бәһасе булмас.
* Мөгезен сындырганны болан онытмас, атасын
хурлаганны угълан онытмас.
* Бала кечкенә вакытта беләккә авыр, үскәч - йөрәккә авыр.
* Ана баланы ике кат тудыра: бер кат - тән биреп,
икенче кат - тел биреп.
С Ә Л Ә Т Һ Ә М А Н Ы Ү С Т Е Р Ү Т У Р Ы Н Д А
татар халык мәкальләре һәм әйтемнәре
* Һәр кош үз канаты белән оча.
* Былбылны сайравыннан таныйлар.
* Кошлар тумый канатсыз,
Кеше тумый талантсыз.
* Олы талантлар берьюлы гына тумый.
* Тавис каурые белән матур,
Сандугач сайравы белән матур.
* Сәләтнең бер өлеше - тумыштан,
Тугыз өлеше - тырышлыктан.
* Сәләтеңә җилкән тек, җил булмаса - ишкәк ал!
* Сәләтсез кеше юк, тик нидә икәнен кеше үзе генә белми.
* Бөркетнең канаты очканда ныгый.
* Ялгыз чапкан ат йөгерек.
Дусларың белән бүлеш:
| 
