Җомга, 20.10.2017, 19:14
Баш бит | Теркәлү | Керү Сәлам Сезгә, Гость | RSS
Сәлам Сезгә!
Сайттан эзләү
Теглар
иҗат көз әни табигать Сөйләнмәгән хикәя Ф.Хөсни ел фасыллары яз Рәниф Шәрипов якташ язучы гаилә Исхаковлар Ә җирдә тереклек бармы? Р.Фәйзуллин Ләбибә Ихсанова дуслар Үги кыз Абдулла Әхмәт Минем туган көнем Нур Әхмәдиев фразеологизмнар композитор ребус мәкальләр Яңа ел Җәүдәт Фәйзи Кыш чигү сувенир безнең сыйныф Күбәләкләр Мин каллалар әбекәй медпункт мәрҗән Каенсар кул эше туган авыл тавис тозлы камыр чишмә мәдәният йорты әдәбият Г.Тукай Исемдә калганнар мәктәп Заһидулла Яруллин мәчет үткән заман хикәя фигыль Байназар Әлменов рәссам Хәсән Туфан Туган җир Г.Зәйнашева Сабан туе М.Мәһдиев аергыч татар теле Г.Ахунов Идел кызы тест С.Рәмиев сочинение Алисә универсиада 2013 Нараткай Белем җәүһәрләре
Сайт бүләге
Сораштыру
Бердәм мәктәп формасы булдыру кирәкме?
Барлык җаваплар: 33
Сайт төймәсе
Төймә коды
     
Мәктәбем сайты
Статистика

Онлайн: 1
Кунаклар: 1
Кулланучылар: 0
Сайт кунаклары
Flag Counter
    
 
 
                           Туган тел турында 
     
                    Туган телдә һәрбер хисне
                    Җөмләгә төреп була.
                    Әйтергә теләгәнеңне
                    Әйтеп бетереп була.
 
                    Туган телдә тик бер хисне
                    Җөмләгә төреп булмый:
                    Аны ничек яратканны 
                    Әйтеп бетереп булмый.
                                        Нияз Акмалов
 
                            
 
                              Туган тел
 
                    Синдә - шатлык җиңеллеге,
                    Кайгылар авырлыгы,
                    Ата-бабам батырлыгы,
                    Аналар сабырлыгы.
                    Синдә - күңелләр киңлеге,
                    Туган җирем ямьнәре;
                    Синдә - илем иркенлеге,
                    Синдә - дөнья гамьнәре.
                    Сиңа тел тидергәннең дә
                    Телен син ачкан идең,
                    Ана булып, бишегенең
                    Янына баскан идең;
                    Сиңа кырын караганның
                    Күзен син ачкан идең.
                    Рухыбыздан табылган тел,
                    Тагылган тел түгел син,
                    Тар юлларда тигәнәктәй
                    Сарылган тел түгел син.
                    Көлү теле, елау теле
                    Уртак диярләр. Беләм.
                    Ләкин татарча елыйм мин,
                    Татар телендә көләм.
                                         З.Насыйбуллин
 
                           
 
                              Туган тел
 
                    И туган тел!
                    Сине Әнкә итеп
                    Йөрәгендә саклый бу халык.
                    Таралган ул...Әгәр Син булмасаң,
                    Бетәр иде күптән югалып.
   
                    Югалмадың,
                    Югалтмадың безне -
                    Халык исән калган, Син барга.
                    Бу дөньяга күзебезне ачтың,
                    Хакыбыз юк кабат йомарга.
 
                    Ләкин күпләр үз йортыннан куды
                    Бүген Сине - үзенең Әнкәсен.
                    Үз әнкәсен йорттан куган кеше,
                    Туган илем бар, дип әйтмәсен!
                    Әйтмәсен!
                                          Рәшит Әхмәтҗанов
 
                                     
 
                 Кил, өйрән, и туган, бер башка телне,
                 Бүтән телләр белү - яхшы һөнәрдер.
                 Катыштырма вәләкин телгә телне,
                 Тел уйнатмак - наданлыктан әсәрдер.
                                                         Дәрдемәнд
 
                                

                  Һәр галимнең, һәр шагыйрьнең сүзе
                  Җитсен иде һәрбер күңелгә,
                  Җилләр, сулар тавышы шикелле үк,
                  Үзләренең асыл телендә.
                  Атом көче, радио заманында
                  Күрсәм иде  шуны мин тагын:
                  Ярдәмләшеп, телләр бер-берсендә
                  Тапса фәкать кардәш-туганын.
                  Бу дөньяның төсен, ямен, зәукын
                  Кем аркылы , ничек белдем мин?
                  Бишектә үк мине өйрәтүчем,
                  Туган телем - бәгърем, син ул, син!
                  Рәхмәт сиңа, рәхмәт, тәрбиячем.
                  Һәр нәрсәнең асыл мәгънәсен
                  Син аңлаттың миңа, туган телем,
                  Син өйрәттең миңа һәммәсен.
                                                    Х.Туфан

                              


                           Анам теле- телләр теле,
                      
Милләтемнең бердәнбере.
                       Син булганга без дә исән,
                       Син булганга без дә тере.
                                                       Ф.Яруллин

                                             
 
                            Тел ил белән икән

Язмышым, рәхмәттән башка

Бер сүзем юк бу җиргә,
Мин риза-бәхил; колак сал
Минем соңгы гозергә.
Мин башка гозерләр белән
Сине бүтән йодәтмәм,
Язмышым, үзең аердың,
Юк әткәм һәм юк әнкәм,
Юк җирдә башка шатлыгым.
Әйтче, мин кемнән, я, ким?
Әткәмнән мәхрүм итсәң дә,
Телемнән итмә ятим.
                                    С.Хәким
           
 ...Халыкның иң зур байлыгы, иң кадерле рухи хәзинәсе, һичшиксез, аның теле. Халык үзенең телен, оста бакчачы кебек, яман җилләрдән, рәхимсез салкыннар куырудан саклап, мең еллар буена үстереп килгән, өзлексез баетып, матурлап, иң тирән фикерләрен, иң нечкә хисләрен дә аңлатып бирер дәрәҗәгә китергән. /Г.Бәширов/                    
                           
 Туган телне өйрәнү - бөек эш ул. /М.И.Калинин/
                          
 Туган тел - халыкларның рухи байлыкларын күрсәтүче генә түгел, бәлки яхшы киңәшче дә. /К.Д.Ушинский/
                                                             
 Берәү башка телне өйрәнмәкче булса, башта үз теленең грамматикасын яхшы белсен. /К.Насыйри/
                                                              
 Без - татарлар, телебез татар теле, мөстәкыйль һәм камил тел ул. /К.Насыйри./
                            
 Русча белү кирәк, үз телеңне белү тиеш. /Г.Ибраһимов/


 
 
 
   
 
 
 
 

Дусларың белән бүлеш:

Алисә Исхакова © 2017